يابناااااااااات أنا مفرووووسه منكم بجد

يابناااااااااات أنا مفرووووسه منكم بجد

لاحظت شوية حاجات مجننانى ....إيه ده بجد هو فيه كده ؟؟؟

تعالوا إتفرسوا معايا

1-خطيبى خانى 56 مرة بس و محتارة اوى اوى مش عارفة اسامحه و لا لآ؟مع العلم يا جماعة انه حلفلى و عيط بالدموع ان دى اخر مرة و انى انا الى فى قلبه و الباقى كله اى كلام و الخ الخ من الاسطوانة المشروخة(سامحيه و متزعليش يا حلوة لو اتجوز عليكى 10 او خانك بعد جوازكوا باسبوع و ارجعى بيت ابوكى بعيل)

2-خطيبى يا جماعة بياخد منى فلوس و مش بيرجعها خالص و نفسى الفت نظره انا عارفة اننا واحد و بنحب بعض من 78 سنة و نص و هو كريييم موت و الله ( مش حقول غير كلمة واحدة الى يمد ايده لواحدة ست و خصوصا لسه مبقتش مراته ميبقاش راجل)
3
-خطيبى بكلمه امبارح و كنا بنتناقش فى موضوع و اتعصبنا و راح شتمنى و قفل السكة فى وشى ..مش عارفة اخاصمه و لا اقوله عيب يا وحش متعملش كده تانى ؟(الى ملهاش كرامة من الاول مع خطيبها متزعلش لما ميبهدلها و يديها سورى با.... بعد الجواز )

4-خطيبى شايف نفسه عليا و بيقولى انتى تخينة و وحشة و سمره اصله امور اوى و شبه عبد الفتاح القصرى (اللى يجي ناحية ثقتك بنفسك ياخد على دماغه و ميستاهلش تضيعى وقتك معاه و الا استحملى بقى يا حلوة الكلام الى حيسم بدنك دلوقتى و طبعا بعد الجواز )

5-خطيبى بينسى عيد ميلادى دايما من يوم معرفنى و هو كده و انا كاتمة فى نفسى و بعيط(و الله ياختى؟؟ امال حيفتكر ايه لما من دلوقتى بينسى عيد ميلادك؟؟ و جربى انتى تنسى عيد ميلاده و شوفى الكلام الى حتاخديه فى جنابك منه)

6-خطيبى حبيبى عنده بنات على الفيس و كل شوية يعملوله كومنتان و لايكات و انا بغير اوى(انا مش فاهمة ازاى فى الزمن ده ممكن واحدة تامن ان خطيبها يبقى عنده بنات فى اى حتة و يبقى فى بينهم تواصل زى الفيس دى مصيبببببببة سوده و لو خطيبك مرداش يشيلهم يبقى بيستهبل و عايز يعمل دور الدنجوان)

7-خطيبى مبيهتمش بيا خالص بيكلمنى مرة كل شهرين و بيكلمنى 3 ثوانى اعمل ايه معاه اقوله و لا مبينش ؟(يا مستفزةةةةةة ازاى تقبلى ان حد يعاملك كده اصلا؟؟ انتى جوهرة لازم يهتم و يدلع فيكى و يتمنالك الرضا و يتعود على كده و الا بلاش منه يا حبيبتى و متقهريش نفسك) 

طبعا فى مواقف كتييير اوى بس هم دول اللى فاكراهم حاليا

ياحبيبتى يا حبيبتى إللى مايحطكيش كحل فـــ عينيه ماتحطيهوش رباط فــ جزمتكــــ

وصلت ولا لسه ؟؟؟