خليه خاتم فى صباعك ^_^ تعالى وانا اقولك

السلام عليكم ورحمه الله وبركاته
ازيكم يا عسلات
انا حبيت اقولكم على شويه حاجات كده عرفتها حبيت اعرفهالكم وباذن الله انفذها وانتوا كمان تنفذوها فاهمين ولا ه اقولكم هما ايه

اولا لو جوزك موجود معاكى فى البيت دايما يعنى قصدى مش بيسافر ليه نبقى بنات خنيقه ونخلى اجوازتنا تكره نفسها وتكره عيشتها
ليه يخشوا م البيت يلاقوا ام قويق فى البيت وكمان مش فى انتظارهم لا اعرفى كويس انتى وهى ان الراجل متطلباته مش اكل وشرب بس ولا حتى الجنس بس لا دى روح واحلى روح كمان ده طفل وطفل برئ هلى لى ابنك اكلتيه وشربتيه وغيرتيله وسبتيه هيسكت ولا هيفضل يعيط لحد ما تيجى تاعدى جنبه وتلاعبيه
صح ولا انا غلطانه
لا مش غلطانه الراجل كده الراجل يحب يررجع من شغله يلاقى ابتسامه جميله وانثى فى البيت انثى بمعنى الكلمه
ليه مش نخلى نفسنا واجوزاتنا باذن الله اسعد الناس وكل ده والله بايدينا وزى ما قلت ابسطها الابتسامه ده حتى الرسول عليه الصلاه والسلام وصانا(( تبسمك فى وجه اخيك صدقه))) تخيلى بقى لو جوزك
احنا هنعمل الاتى عشاان نكون احلى زوجات باذن الله بس اهم حاجه كل واحده بينها وبين نفسها تنوى لله انها تكون زوجه صالحه وليست زوجه فقط زوجه تستحق هذه الكلمه وتستحق ان يضحى زوجها بروحه من اجلها
اولا كونى انثى حميمه حنونه عطوفه
ثانيا كونى قبل كل شئ امه ايوة امه واخته وده مش كلام بس لا ده فعل الام يعنى مهما ابنها غلط بتسامحه الام الى هى عمرها ما تسيب ابنها ابدا فهمتى الام يعنى ايه يعنى اوعى تنهبلى فى دماغك وتتزقلى بالطوب وتسيبى بيتك وبيت جوزك دى بقى كارثه لوحدها لو حبيتوا اتكلم فيها هقولكم
ثالثا كونى عشيقته ايوة عشيقته
تعرفى يعنى ايه يعنى الواحده الى لما يحب الراجل يستخبى من الدنيا ويسرق احلى لحظات يجرى عليها ويترمى فى حضنها
رابعا كونى خادمته ايوة خادمته يعنى البيت كله مسئول منك اطفالك باذن الله والغسيل والجو ده كل ده ملزوم منك خامسا وهو الاهم كونى لزوجك كما يحب ان تكونى له لو طلب منك اى حاجه اى حاجه دون ما يغضب الله نفذيها ومش تاعدى تقولى اتكسف وكرامتى والجو القديم ده
انتى مش تعرفى انك لما تنفذى حاجه لجوزك وهو عارف انك مثلا مش حباها تعرفى انه بيبقى هاين عليه يطلع عينه ويديهالك تعرفى كده

بصوا انا لسه عندى كلام كتير
وكلام اكتر للى هتتجوز وجوزها هيكون بيسافر
بس لو لقيت تفاعل والموضوع عاجبكم هنتكلم
ماشى بااااااااااااى مستنيه ردكم واشوف التفاعل